Çita Mapaskiri

Mançare muşişi nena;

Ma a svara ar didi kaçis vukadişeni mteli berepek, çıtalepek mixatiran. Do amuşeni dido nezezi miğun. İrkineri nezezi çkimi, a koçi ma megabre miqonun, irişen kai. Ar çkva nezezi, a koçi iri xoloşen na nagnen ia ren. Ar beruli svara tastina... Ukule a koçi, qini, mşkironeli dgalepeşi Fransias skiduşeni, ar mitik emus ti utonasunon, didi koçi tastina. A mteli nezezepe var mibağuna, a svara, e didi koçişi berobaşi dğalepes vukadep, xeleri xeleri. İri 3oxle bere iqven do ukule na irdenşeni....